குறைமாவு நிறைகொழுப்பு உணவு சாப்பிட்டால் யூரியா கூடி சிறுநீரகம் பாதிப்பு ஏற்படுமா ?

குறைமாவு நிறைகொழுப்பு உணவு சாப்பிட்டால் யூரியா கூடி சிறுநீரகம் பாதிப்பு ஏற்படுமா ?

The English Version of this article can be found at Will Low Carb High Fat Diet Increase Blood Urea Levels and Cause Kidney Failure ?

-oOo-

  • குறைமாவு நிறைகொழுப்பு உணவு சாப்பிட ஆரம்பித்து சில வாரங்கள் கழித்து இரத்த பரிசோதனை செய்யும் போது முன்னர் இரத்தத்தில் யூரியா இருந்த அளவை விட சில புள்ளிகள் அதிகரித்திருப்பதை காணலாம்.
  • சிறுநீரக பிரச்சனையில் (கிட்னி பெயிலியர்) இரத்தத்தில் யூரியா அதிகரிக்கும் என்ற தகவல் அறிந்த பலரும், குறைமாவு நிறைகொழுப்பு உணவு சாப்பிட்டவுடன் சிறுநீரகங்கள் செயலிழக்கின்றன என்ற தவறான புரிதலுக்கு வந்து விடுகிறார்கள்.

சிறுநீரகங்கள் செயலிழந்தால் இரத்தத்தில் யூரியா அதிகரிக்கும்
ஆனால்
இரத்தத்தில் யூரியா அதிகம் என்றால் அதற்கு ஒரே காரணம் சிறுநீரக செயலிழப்பு மட்டும் அல்ல

இது குறித்து இந்த கட்டுரையில் விரிவாக பார்க்கலாம்.

-oOo-

குறைமாவு நிறைகொழுப்பு உணவு சாப்பிட்டால் யூரியா கூடி சிறுநீரகம் பாதிப்பு ஏற்படுமா ?
குறைமாவு நிறைகொழுப்பு உணவு சாப்பிட்டால் யூரியா கூடி சிறுநீரகம் பாதிப்பு ஏற்படுமா ?
  • உணவில் இருக்கும் புரதம் உடைக்கப்பட்டு அது யூரியாவாக மாறுகிறது
  • இரத்தத்தில் யூரியா அளவு அதிகரித்தால் அதனால் பல பாதிப்புகள் ஏற்படும் . மூளை வேலை செய்யாது. இதை யூரிமிக்  என்கபலோபதி என்பார்கள்
    எனவே
  • இந்த யூரியாவை வெளியேற்ற வேண்டும்.
  • அதற்கு உடலில் உள்ள உறுப்பு(கள்) சிறுநீரகம் (ங்கள்).

-oOo-

ஒரு அணையை கற்பனை செய்து கொள்ளுங்கள்.
அதில் நீர் வருகிறது.
அதே போல் நீர் வெளியேறுகிறது.

-oOo-

உள்ளே வரும் நீரை , உடலில் உற்பத்தியாகும் யூரியாவுடன் ஒப்பிடுங்கள்.
வெளியேறும் நீரை, சிறுநீரகத்தால் வெளியேற்றப்படும் யூரியாவுடன் ஒப்பிடுங்கள்.

-oOo-

அணையில் நீர் அளவு எப்பொழுது அதிகரிக்கும் ?

  1. அதிகம் நீர் வந்தால்.
  2. குறைவான நீர் வெளியேறினால்.

-oOo-

இரத்தத்தில் யுரியா அளவு எப்பொழுது அதிகரிக்கும்

  1. அதிகம் யுரியா உற்பத்தி செய்யப்பட்டால்
  2. குறைந்த யுரியா வெளியேறினால்

-oOo-

அதிகம் யுரியா உற்பத்தி செய்யப்படுவது எப்பொழுது
அதிகம் புரதம் உட்கொண்டால்

குறைந்த யுரியா வெளியேறுவது எப்பொழுது
சிறுநீரக செயல்பாடு குறைந்தால்

-oOo-

இரத்தத்தில் யூரியா அளவு எப்பொழுது அதிகரிக்கும்

  1. அதிகம் புரதம் உட்கொண்டால்
  2. சிறுநீரக செயல்பாடு குறைந்தால்

இது தவிர கீழ்க்கண்ட காரணங்களினாலும் இரத்தத்தில் யூரியாவின் அளவு அதிகரிக்கும்

  1. நீர்ச்சத்து குறைபாடு Salt and Water Depletion
  2. வாந்தி Vomiting
  3. பேதி Diarrhea
  4. இரத்த வாந்தி Haemetemesis
  5. இரத்தப்போக்கு Hemorrhage
  6. பெருங்குடல் அழற்சி Ulcerative Colitis
  7. அடிசன்ஸ் நோய் Addison’s disease
  8. கடிய முடிச்சச்சிறுநீரகவழற்சி Acute Glomerulonephritis
  9. இரண்டாம் வகை சிறுநீரகவழற்சி Type II Nephritis
  10. சிறுநீரகக்கடினம் Malignant Nephrosclerosis
  11. சிறுநீரக சீழ் Pyelonephritis
  12. பாதரச நச்சேற்றம் Mercury Poisoning
  13. சிறுநீரக நீர்க் கோர்வை Hydronephrosis
  14. சிறுநீரக காசநோய் Renal Tuberculosis
  15. சிறுநீரக கல் Renal Calculi
  16. சுக்கிலவகம் பெருத்தல் Prostate enlargement
  17. சிறுநீர் வழிப்பாதை புற்றுநோய்கள் Tumours of Urinary Tract

-oOo-

எனவே
இந்த உணவு முறையில் புரதம் மட்டுமே அதிக அளவு உட்கொள்வதால் கிட்னிக்கு பிரச்சனை வராது
ஆனால்
ஏற்கனவே பிரச்சனை உள்ள கிட்னியால் இந்த அதிக அளவு யூரியாவை வெளியேற்ற முடியாவிட்டால்,  யூரியா அளவு இரத்தத்தில் அதிகரித்து அதனால் மூளைநலிவு (uremic encephalopathy) ஏற்பட்டு மூளைசெயல்பாடும் பாதிக்கப்படலாம்

-oOo-

அப்படி என்றால் என்ன உணவு உட்கொண்டால் சிறுநீரக பாதிப்பு வரும் ?
மாவுச்சத்து அதிகம் உட்கொண்டால் சிறுநீரக பாதிப்பு வரும்.

-oOo-

சிறுநீரக பாதிப்பு இல்லாதவர்கள், வருங்கால சிறுநீரக பாதிப்பை தவிர்க்க உட்கொள்ள வேண்டிய உணவு எது ?
குறைமாவு நிறைகொழுப்பு உணவு.

-oOo-

ஒரே வரியில் சொல்ல வேண்டும் என்றால்
அதிக மாவுச்சத்து சாப்பிட்டு சிறுநீரகங்கள் கெட்டு போவதற்கு முன்னர் குறைமாவுநிறைகொழுப்பு உணவை சாப்பிட்டு உங்கள் சிறுநீரகங்களை பாதுகாக்கவும்

இதற்கு ஆதாரம் உள்ளதா ?
ஆம் ! உள்ளது 🙂

  1. Comparative effects of low-carbohydrate high-protein versus low-fat diets on the kidney by Friedman AN, Ogden LG, Foster GD, Klein S, Stein R, Miller B, Hill JO, Brill C, Bailer B, Rosenbaum DR, Wyatt HRin Clin J Am Soc Nephrol. 2012 Jul;7(7):1103-11. doi: 10.2215/CJN.11741111. Epub 2012 May 31. who conclude that In healthy obese individuals, a low-carbohydrate high-protein weight-loss diet over 2 years was not associated with noticeably harmful effects on GFR, albuminuria, or fluid and electrolyte balance compared with a low-fat diet. Further follow-up is needed to determine even longer-term effects on kidney function.
  2. A low-carbohydrate diet may prevent end-stage renal failure in type 2 diabetes. A case report by Jørgen Vesti Nielsen,  Per Westerlund, and Per Bygren in Nutr Metab (Lond). 2006; 3: 23. Published online 2006 Jun 14. doi: 10.1186/1743-7075-3-23 PMCID: PMC1523335 state that An obese patient with type 2 diabetes whose diet was changed from the recommended high-carbohydrate, low-fat type to a low-carbohydrate diet showed a significant reduction in bodyweight, improved glycemic control and a reversal of a six year long decline of renal function. The reversal of the renal function was likely caused by both improved glycemic control and elimination of the patient’s obesity. Insulin treatment in type 2 diabetes patients usually leads to weight increase which may cause further injury to the kidney. Although other unknown metabolic mechanisms cannot be excluded, it is likely that the obesity caused by the combination of high-carbohydrate diet and insulin in this case contributed to the patient’s deteriorating kidney function. In such patients, where control of bodyweight and hyperglycemia is vital, a trial with a low-carbohydrate diet may be appropriate to avoid the risk of adding obesity-associated renal failure to already failing kidneys.
  3. Reversal of Diabetic Nephropathy by a Ketogenic Diet by Michal M. Poplawski, Jason W. Mastaitis, Fumiko Isoda, Fabrizio Grosjean, Feng Zheng, Charles V. Mobbs Published on April 20, 2011 in http://dx.doi.org/10.1371/journal.pone.0018604 conclude Intensive insulin therapy and protein restriction delay the development of nephropathy in a variety of conditions, but few interventions are known to reverse nephropathy. Having recently observed that the ketone 3-beta-hydroxybutyric acid (3-OHB) reduces molecular responses to glucose, we hypothesized that a ketogenic diet, which produces prolonged elevation of 3-OHB, may reverse pathological processes caused by diabetes. To address this hypothesis, we assessed if prolonged maintenance on a ketogenic diet would reverse nephropathy produced by diabetes. In mouse models for both Type 1 (Akita) and Type 2 (db/db) diabetes, diabetic nephropathy (as indicated by albuminuria) was allowed to develop, then half the mice were switched to a ketogenic diet. After 8 weeks on the diet, mice were sacrificed to assess gene expression and histology. Diabetic nephropathy, as indicated by albumin/creatinine ratios as well as expression of stress-induced genes, was completely reversed by 2 months maintenance on a ketogenic diet. However, histological evidence of nephropathy was only partly reversed. These studies demonstrate that diabetic nephropathy can be reversed by a relatively simple dietary intervention. Whether reduced glucose metabolism mediates the protective effects of the ketogenic diet remains to be determined.

சந்தேகங்களை கேட்கலாம்

-oOo-

மருத்துவ சஞ்சிகைகளை தந்து உதவிய மரு.அருண்குமார், M.B., B.S., M.D., (Paediatrics) KMCH ஈரோடு அவர்களுக்கு நன்றிகள் பல

மாவுச்சத்து குறைவாக சாப்பிடுவதால் கொழுப்பு எப்படி கரைகிறது; கரைந்த கொழுப்பு என்னவாகிறது ?

மாவுச்சத்து குறைவாக சாப்பிடுவதால் கொழுப்பு எப்படி கரைகிறது; கரைந்த கொழுப்பு என்னவாகிறது ?

The English Version of this article can be found at Basis of Paleo : How Fat Dissolves and What happens to that Fat that dissolves ?

-oOo-

மாற்றம் ஒன்றுதான் மாறாதது
மாறுவதெல்லாம் உயிரோடு
மாறாததெல்லாம் மண்ணோடு
– வைரமுத்து

உடலில் உள்ள கொழுப்பானது நிரந்திரமானது அல்ல. அது மாறிக்கொண்டே இருப்பது. ஒவ்வொரு நாளும், ஒவ்வொரு மணியும், ஒவ்வொரு நிமிடமும், ஒவ்வொரு வினாடியும், உடலில் புது கொழுப்பு உருவாகிக்கொண்டே இருக்கிறது. அதே போல் இருக்கும் கொழுப்பு கரைந்து கொண்டே உள்ளது

உங்கள் வீட்டின் மாடியில் இருக்கும் தொட்டியை கற்பனை செய்து கொள்ளுங்கள்
கிணற்றில் இருந்து அல்லது கீழிருக்கும் தொட்டியில் இருந்து மாடியில் இருக்கும் தொட்டிக்குள் நீர் வருகிறது. மாடியில் இருக்கும் தொட்டியில் இருந்து வீட்டிற்கு நீர் செல்கிறது. இந்நிலையில்

  • தொட்டிக்குள் வரும் நீரின் அளவும், தொட்டியில் இருந்து வெளியில் செல்லும் நீரின் அளவும் ஒன்றாக இருந்தால், தொட்டிக்குள் இருக்கும் நீரின் அளவு அதே போல் இருக்கும்
  • தொட்டிக்குள் வரும் நீரின் அளளை விட தொட்டியில் இருந்து வெளியில் செல்லும் நீரின் அளவு அதிகமாக இருந்தால் இருந்தால், தொட்டிக்குள் இருக்கும் நீரின் அளவு குறைந்து கொண்டே வரும்
  • தொட்டிக்குள் வரும் நீரின் அளளை விட தொட்டியில் இருந்து வெளியில் செல்லும் நீரின் அளவு குறைவாக இருந்தால் இருந்தால், தொட்டிக்குள் இருக்கும் நீரின் அளவு அதிகரித்து கொண்டே வரும்

இப்பொழுது கொழுப்பு கதைக்கு வருவோம்

  • கொழுப்பு உற்பத்தியும், கொழுப்பு கரைவதும் ஒரே அளவாக இருந்தால், உடலில் உள்ள கொழுப்பின் அளவு அதே போல் இருக்கும்
  • கொழுப்பு உற்பத்தியை விட கொழுப்பு கரைவது அதிகம் இருந்தால், உடலில் உள்ள கொழுப்பின் அளவு குறையும்
  • கொழுப்பு உற்பத்தியை விட கொழுப்பு கரைவது குறைவாக இருந்தால், உடலில் உள்ள கொழுப்பின் அளவு அதிகரிக்கும்

இரு வகை கொழுப்புகள்

  1. கட்டுமான கொழுப்புகள். இவை பெரும்பாலும் பாஸ்போலிப்பிட் வகையை சார்தவை. செல்கள் மற்றும் திசுக்களின் கட்டுமானத்தில் இவை ஈடுபடுகின்றன
  2. சேமிப்பு கொழுப்பு. இந்த கொழுப்பு தான் சேமிப்பில் பங்கு வகிக்கிறது. இவை பெரும்பாலும் டிரைகிளிசரைட் ஆக உள்ளன. இந்த வகை கொழுப்பு தான் வாயிற்றின் முன் சுவற்றிலும், இடுப்பின் பின் பகுதியிலும் சேர்ந்து எடையை அதிகரிக்கின்றன

சேமிக்கப்படும் கொழுப்புகள் / டிரைகிளிசரைட்கள் எப்படி உருவாகின்றன

சேமிப்பு கொழுப்புகள் இரு மூலப்பொருட்களில் இருந்து உருவாக்கப்படுகின்றன

  1. கொழுப்பு அமிலங்கள்  : இவை உணவில் இருக்கும் கொழுப்பு மற்றும் மாவுச்சத்து ஆகியவற்றில் இருந்து பெறப்படுகின்றன
  2. கிளிசரால் பாஸ்பேட் : இது மாவுச்சத்தில் இருந்து பெறப்படுகின்றது

எனவே, கொழுப்பு சேமிக்கப்படவேண்டும் என்றால், அந்த நபர் கொழுப்பும், மாவுச்சத்தும் சாப்பிட வேண்டும். அல்லது மாவுச்சத்து மட்டும் சாப்பிட்டால் போதும். அவர் வெறும் கொழுப்பு மட்டும் சாப்பிட்டால் கொழுப்பு சேமிப்பிற்கு தேவையா மூலப்பொருட்கள் குறைவாகவே இருக்கும். எனவே வெகு குறைவான கொழுப்பே சேமிக்கப்படும் 

அதே போல், இந்த சேமிப்பு கொழுப்பு உருவாவதை சில இயக்குநீர்கள் (ஹார்மோன்கள்) ஆதரிக்கின்றன. அதில்முக்கியமானது இன்சுலின்

சேமிக்கப்பட்ட கொழுப்பு எப்படி உடைகிறது

சேமிக்கப்பட்ட கொழுப்புகள் / டிரைகிளிசரைட்கள் ஹார்மோன் சென்சிடிவ் லைப்பேஸ் (Hormone Sensitive Triglyceride Lipase) என்ற ஒரு இயக்குநீரால் (enzyme) உடைக்கப்படுகின்றன. அவை உடைந்து கிளிசரால் பாஸ்பேட்  மற்றும் கொழுப்பு அமிலங்கள் ஆக மாறுகின்றன. இந்த செயலை, அதாவது கொழுப்பு உடைபடும் செயலை இன்சுலின் எதிர்க்கிறது. கொழுப்பு உடைபடுவதை கீழ்க்கண்ட இயக்குநீர்கள் ஆதரிக்கின்றன

  1. அட்ரினலின்
  2. நாரட்ரினலின்
  3. குளுக்ககான்
  4. வளர்ச்சி இயக்குநீர் (Growth Hormone)
  5. குளுக்கோ கார்டிகாய்ட்கள் (Glucocorticoids)
  6. ACTH
  7. MSH
  8. TSH
  9. வாசோபிரஸ்சின் (Vasopressin)

இன்சுலினின் வேலை

இன்சுலின்

  1. டிரைகிளிசரைட்கள் உருவாவதை ஆதரிக்கிறது. அதாவது கொழுப்பு உருவாவதை ஆதரிக்கிறது, கொழுப்பு உருவாகும் செயலை துரிதப்படுத்துகிறது
  2. டிரைகிளிசரைட்கள் உடைவதை எதிர்க்கிறது. அதாவது கொழுப்பு கரைவதை மட்டுப்படுத்துகிறது

சுருங்க சொல்வது என்றால் இன்சுலின் ஒரு நபரை குண்டாக மாற்றுகிறது. அவரது உடல் எடையை கூட்டுகிறது

மாவுச்சத்து உணவு சாப்பிட்டால் என்ன ஆகும்

மாவுச்சத்து உணவு சாப்பிட்டால்

  1. அதிகம் கிளிசரால் பாஸ்பேட் கிடைக்கும். அதாவது கொழுப்பு உருவாகும் மூலப்பொருள் அதிகம் கிடைக்கும்
  2. அதிகம் கொழுப்பு அமிலங்கள் செய்யப்படும். அதாவது கொழுப்பு உருவாகும் மூலப்பொருள் அதிகம் செய்யப்படும்
  3. அதிகம் இன்சுலின் சுரக்கும். அதாவது கொழுப்பு உருவாக வேலைசெய்யும் இன்சுலின் அதிகரிக்கும். கொழுப்பு உடைபடுவதை தவிர்க்கும் இன்சுலின் அதிகரிக்கும்.

மூலப்பொருட்களும் அதிகரித்து, இயக்குநீரும் அதிகரித்தால் என்ன ஆகும். அதிக கொழுப்பு உருவாகும். எனவே, அந்த நபர் தனது உணவில் கொழுப்பினை குறைவாக உட்கொண்டால் கூட அவரது உடலில் அதிகம் கொழுப்பு உருவாகிறது

மாவுச்சத்து அதிகம் சாப்பிடும் போது, உடலில் கொழுப்பு உருவாவும் விகிதம் அதிகமாகவும், கொழுப்பு உடைபடும் விகிதம் குறைவாகவும் இருப்பதால் அந்த நபரின் உடம்பில் இருக்கும் கொழுப்பின் அளவு அதிகரித்துக்கொண்டே வருகிறது 

குறைமாவு உணவு உட்கொள்ளும் போது என்ன நடக்கிறது

சாப்பிடும் உணவில் மாவுச்சத்து இல்லை என்றாலோ, அல்லது மாவுச்சத்து குறைவாக இருந்தாலோ,

  1. கிளிசரால் பாஸ்பேட் குறைவாகவே இருக்கும். அதாவது கொழுப்பு உருவாகும் மூலப்பொருள் குறைவாகவே இருக்கும்
  2. இன்சுலின் சுரப்பது குறையும். அதாவது கொழுப்பு உருவாக வேலைசெய்யும் இன்சுலின் குறையும். கொழுப்பு உடைபடுவதை தவிர்க்கும் இன்சுலின் குறையும்
  3. அதே நேரம், கொழுப்பு உடைபடுவதை ஆதரிக்கும் அட்ரினலின், நாரட்ரினலின், குளுக்ககான், வளர்ச்சி இயக்குநீர் (Growth Hormone), குளுக்கோ கார்டிகாய்ட்கள் (Glucocorticoids),
    ACTH, MSH, TSH, வாசோபிரஸ்சின் (Vasopressin) ஆகியவற்றின் செயலால் கொழுப்பு விரைவாக உடைபடும்.

மாவுச்சத்து குறைவாக உட்கொண்டால், கொழுப்பு உருவாகும் விகிதத்தை விட கொழுப்பு உடைபடும் விகிதம் அதிகரிக்கிறது. எனவே உடம்பில் இருக்கும் கொழுப்பு கரைந்து கொண்டே வருகிறது. இதனால் எடை குறைகிறது, வயிற்றில், இடுப்பில் இருக்கும் கொழுப்பு குறைவதால் தொப்பை குறைகிறது

உடைபடும் கொழுப்பு என்னவாகிறது

நாம் ஏற்கனவே பார்த்தது போல், கொழுப்பு உடைபட்டும் அது கிளிசரால் பாஸ்பேட்டாகவும், கொழுப்பு அமிலங்களாகவும் ஆகிறது. இதில்

  1. கிளிசரால் பாஸ்பேட் என்பது டைஹைறாக்சி அசிடோன் பாஸ்பேட்டாக மாறி கிளிசரால்டிஹைட் பாஸ்பேட்டாக மாறுகிறது.  கிளிசரால்டிஹைட் பாஸ்பேட் என்பது குளுக்கோஸ் உடைபடும் போது வரும் ஒரு வேதியல் பொருள் (intermediary in the breakdown of Glucose in Hence this enters the Glycolytic Pathway).  இது சக்தி பெற பயன்படுகிறது
  2. கொழுப்பு அமிலங்கள் எரிக்கப்பட்டு உடலுக்கு தேவையான சக்தி கிடைக்கிறது
Scientific Basis of Paleo
Scientific Basis of Paleo

மாவு சத்து, கொழுப்பு சத்து இரண்டையுமே குறைத்து சாப்பிட்டால் என்ன ?

மாவு சத்து, கொழுப்பு சத்து இரண்டையுமே குறைத்து சாப்பிட்டால் என்ன ?

The English Version of this article can be found at Why More Fat is Needed in Paleo Diet ? Why you should not Reduce Fat Intake ?

  • மாவு சத்து, கொழுப்பு சத்து இரண்டையுமே குறைத்து சாப்பிட்டால் என்ன ?
  • ஏன் மாவுச்சத்தை மட்டுமே குறைக்க வேண்டும் ?
  • ஏன் கொழுப்பை குறைக்க நீங்கள் கூறுவதில்லை ?

ஆகிய கேள்விகளை அடிக்கடி கேட்கிறோம் . . .

இதற்கான விடை எளிது

-oOo-

உடல் இயங்குவதற்கு சக்தி தேவை

இந்த சக்தியானது மாவுச்சத்திலிருந்தும் பெறப்படலாம், கொழுப்பு சத்திலிருந்தும் பெறப்படலாம்
இந்த இரண்டில் ஏதாவது ஒன்றில் இருந்து சக்தி பெறப்படவேண்டும் இவை இரண்டுமே உணவில் இல்லை என்றால், உடலில் இருக்கும் புரதங்கள் உடைக்கப்பட்டு அதிலிருந்து சக்தி பெறப்படும். அந்த நிலைக்கு பெயர் பசி, பட்டினி . . . ஆங்கிலத்தில் Starvation . . .

-oOo-

உடல் இயங்குவதற்கு தேவையான சக்தியானது மாவுச்சத்திலிருந்தும் பெறப்படலாம், கொழுப்பு சத்திலிருந்தும் பெறப்படலாம் . . ஏன் மாவுச்சத்திலிருந்து பெறாமல் கொழுப்பில் இருந்து பெற வேண்டும் ?

இதற்கான விடையும் எளிது தான் . .

நாம் உணவும் உணவில் இருக்கும் சக்தியானது,

  1. செலவழிக்கப்படுகிறது
  2. கொழுப்பாக சேமிக்கப்படுகிறது

இதில் சில விசித்திரங்கள் இயற்கையின் படைப்பில் உள்ளன
நாம் உண்ணும் உணவும் இருக்கும் மாவுச்சத்தும் சரி, கொழுப்பு சத்தும் சரி, அது கொழுப்பாகவே சேமிக்கப்படுகிறது.
ஆனால்

நமது உணவில் இருக்கும் சக்தியில் எத்தனை சதவீதம் சேமிக்கப்படவேண்டும், எத்தனை சதவீதம் செலவழிக்கப்படவேண்டும் என்று தீர்மாணிப்பது எது தெரியுமா ?
நமது உணவில் இருக்கும் மாவுச்சத்து தான் இதை தீர்மானிக்கிறது

அதாவது
நமது உடம்பில் எந்த அளவு கொழுப்பு இருக்க வேண்டும் என்பதை நமது உணவில் இருக்கும் மாவுச்சத்து தீர்மாணிக்கிறது. இது தான் இயற்கையின் நியதி. 

மீண்டும் கூறுகிறேன் . . உங்கள் வயிற்றில், உங்கள் இரத்தக்குழாயினுள் எவ்வளவு கொழுப்பு இருக்க வேண்டும் என்பதை தீர்மாணிப்பது நீங்கள் சாப்பிடும் உணவில் உள்ள கொழுப்பு அல்ல, நீங்கள் சாப்பிடும் உணவில் உள்ள மாவுச்சத்தை இதை தீர்மானிக்கிறது 

எனவே

  • நீங்கள் வெறும் மாவுச்சத்து மட்டும் உண்டு, கொழுப்பு குறைவாக உண்டாலும், உங்கள் உணவின் பெரும்பகுதி சேமிக்கப்படும். அதுவும் கொழுப்பாகவே சேமிக்கப்படும்
  • நீங்கள் மாவுச்சத்தும் உண்டு, கொழுப்பும் உண்டாலும், உங்கள் உணவின் பெரும்பகுதி சேமிக்கப்படும். அதுவும் கொழுப்பாகவே சேமிக்கப்படும்
  • நீங்கள் மாவுச்சத்து குறைவாக உண்டு, கொழுப்பு அதிகம் உண்டால், வெகு குறைவாகவே சேமிக்கப்படும் (இது தான் பேலியோ உணவு முறையில் அல்லது அனைத்து குறைமாவு நிறைகொழுப்பு உணவு முறைகளிலும் நடக்கிறது)
  • நீங்கள் மாவுச்சத்து குறைவாக உண்டு, கொழுப்பும் குறைவாக உண்டால்,  உடல் இயக்கத்திற்கு தேவையான சக்தியில்லாமல் உறுப்புகள் செயலிழக்கின்றன. இது உயிருக்கு ஆபத்தான நிலை. பசி, பட்டினி, பஞ்சத்தில் மரணம் ஏற்படுவது இப்படித்தான்இதனால் தான் மாவுச்சத்தினை குறைத்து கொழுப்பு சத்தினை அதிகம் உண்ண கூறுகிறோம்

-oOo-

Low Carb High Carb Low Fat High Fat Obesity Starvation Paleo
Low Carb High Carb Low Fat High Fat Obesity Starvation Paleo

-oOo-

உடல்பருமன், பசி, பேலியோ
உடல்பருமன், பசி, பேலியோ

-oOo-

Paleo, Starvation, Well Fed, High Carb, Low Carb, High Fat, Low Fat
Paleo, Starvation, Well Fed, High Carb, Low Carb, High Fat, Low Fat

பேலியோவால் இன்சுலின் சுரப்பது குறைவதால் பாதிப்புகள் ஏற்படுமா

பேலியோவால் இன்சுலின் சுரப்பது குறைவதால் பாதிப்புகள் ஏற்படுமா

The English Version of this article can be found at Reduced Insulin Secretion in Paleo Diet : Complications ?
-oOo-

குறைமாவுநிறைகொழுப்பு ஆதிமனித உணவு முறை (பேலியோ டயட்) குறித்த விவாதங்களின் போதும், உரையாடல்களின் போதும் இன்சுலின் குறித்த சில கேள்விகள் வெவ்வேறு வடிவங்களில் பல முறை கேட்கப்படுகின்றன. இன்சுலின் என்பது ஒரு முக்கியமான இயக்குநீர் (ஹார்மோன்) அல்லவா ? குறைமாவுநிறைகொழுப்பு உணவு சாப்பிட்டால் இன்சுலின் சுரப்பது குறையும் அல்லவா ? இதனால் பாதிப்புகள் ஏற்படுமே ? இப்படியாக இன்சுலின் சுரப்பது குறைந்தால் வருங்காலத்தின் கணையம் இன்சுலின் சுரப்பதை மறக்க வாய்ப்புள்ளதா ?

எனவே, இது குறித்து இந்த கட்டுரையில் பார்க்கலாம்

-oOo-

இன்சுலின் என்பது ஒரு நாளமில்லா சுரப்பி இயக்குநீர் என்பது உங்களுக்கு ஏற்கனவே தெரிந்திருக்கும். இந்த இயக்குநீரானது கணையத்தில் உள்ள பீட்டா செல்களில் உருவாகிறது. அங்கிருந்து நேரடியாக இரத்தத்தில் கலந்துவிடுகிறது.
இந்த இன்சுலின் கீழ்க்கண்ட பணிகளை செய்கிறது

  1. செல்களுக்குள் குளுக்கோஸ் செல்வதை அதிகரிக்கிறது (Increases Glucose Uptake) சில வகை செல்களுக்குள் குளுக்கோஸ் செல்வதற்கு இன்சுலின் தேவையில்லை. இது குறித்து விரிவாக பிறகு பார்க்கலாம். எனவே இரத்தித்தில் போதுமான அளவு இன்சுலின் இல்லை என்றால் குளுக்கோஸ் செல்களுக்குள் செல்லாமல் இரத்தத்திலேயே இருக்கும். இப்படி இரத்தத்தில் அதிகப்படியாக இருக்கும் குளுக்கோஸ் தான் பல வித நோய்களுக்கும் காரணம். இது குறித்தும் பிறகு விரிவாக பார்க்கலாம்
  2. குளுக்கோஸ் உடைவதை அதிகரிக்கிறது Increases Glycolysis
  3. பைருவேட் அசிடைல் கோ ஏ ஆக மாறுவதை அதிகரிக்கிறது  Increases conversion of Pyruvate to Acetyl CoA
  4. கைகோஜன் உற்பத்தியை அதிகரிக்கிறது Increases Glycogenesis
  5. கைகோஜன் உடைபடுவதை குறைக்கிறது Decreases Glycogenolysis
  6. பிற பொருட்களில் இருந்து குளுக்கோஸ் உற்பத்தியாவதை குறைக்கிறது Decreases Gluconeogenesis
  7. HMP Shunt பாதையை அதிகரிக்கிறது
  8. கொழுப்பு உடைபடுவதை குறைக்கிறது Decrease Lipolysis
  9. கொழுப்பமிழங்கள் உற்பத்தியாவதை அதிகரிக்கிறது Increase Fatty Acid Synthesis
  10. டரைகிளைசரைட் கொழுப்பு அதிகம் உற்பத்தியாகிறது Increases TG Synthesis
  11. கீட்டோஜெனெசிசை குறைக்கிறது Decreases Ketogenesis
  12. அமிலோ அமிலங்கள் செல்களுக்குள் செல்வதை அதிகரிக்கிறது  Increase AA uptake
  13. வளர்ச்சி இயக்குநீரின் புரத உயிர்ப்பொருள் கூட்டமைப்பை அதிகரிக்கிறது Protein Anabolic Effect of Growth Hormone (permissive effect)
  14. புரதம் அதிகம் உருவாவதை அதிகரிக்கிறது Increases protein Synthesis
  15. ரிமோசோம்களின் செயல்பாடுகளை ஒழுங்குபடுத்துகிறது Regulation of Ribosomal Translation
  16. இரத்தத்தில் பொட்டாசியம் மற்றும் பாஸ்பரஸ் ஆகியவற்றின் அளவை குறைக்கிறது Decrease in K and P in Blood
  17. செல்கள் வளர்வதை ஊக்குவிக்கிறது. செல்கள் எண்ணிக்கை அதிகரிப்பதை ஊக்குவிக்கிறது  Growth and Cell Replication
    Stimulates

-oOo-

இந்த நீண்ட நெடும் பட்டியலில் இருந்து என்ன தெரிந்து கொள்ள முடிகிறது
இன்சுலினனின் வேலை என்பது இரத்தத்தில் குளுக்கோசை குறைப்பது மட்டும் அல்ல என்று தெரிந்து கொள்ள முடிகிறது அல்லவா.
இன்சுலினின் முதன்மை நோக்கம் உயிர்ப்பொருள் கூட்டமைப்பு (Anabolism) தான்
இன்சுலினின் ஒரு பக்க விளைவு தான் இரத்தத்தில் குளுக்கோசின் அளவை குறைப்பது. அது முதன்மை விளைவு கிடையாது

சொல்லப்போனால்

  • இரத்தத்தில் குளுக்கோசை குறைக்கும் இயக்குநீர்கள் (hormones) மிகக்குறைவே
  • இரத்தத்தில் குளுக்கோசை அதிகரிக்கும் இயக்குநீர்கள் தான் உடலில் அதிகம்

ஏன், ஏனென்றால்

  • நமது உடல் மாவு சத்து சாப்பிட ஏதுவானது அல்ல
  • நமது உடல் புரதம் மற்றும் கொழுப்பு சத்து உண்ண ஏதுவானது
  • இதனால் தான் இன்சுலின் என்ற ஒற்றை இயக்குநீரின் பிரச்சனை மிகப்பெரிய நோயாகிறது 
  • அதே நேரம் இரத்தத்தில் குளுக்கோசை அதிகரிக்கும் இயக்குநீர்களில் ஏதாவது ஒன்றில் பிரச்சனை என்றால் பிற இயக்குநீர்கள் அந்த வேலையை செய்து விடுகின்றன

மனிதனின் பரிணாம வளர்ச்சியில், நாம் மாவுச்சத்து உண்பது மிகவும் சமீபத்தில் தான்

  • அதாவது விவசாயம் வந்த பிறகு தான்
  • அதாவது கடந்த 2000 வருடங்களாகத்தான்

-oOo-

இப்படி மாவுச்சத்து உண்ணும் போது என்ன ஆகிறது

  • இரத்தத்தில் குளுக்கோஸ் அதிகரிக்கிறது
  • குளுக்கோசை குறைக்க வல்ல ஒரே இயக்குநீர் இன்சுலின் என்பதால் இன்சுலின் மட்டுமே செயல்பவ வேண்டிய நிலை வருகிறது
  • எனவே, அதை குறைக்க இன்சுலின் சுரப்பு அதிகரிக்கிறது

இப்படியே தினமும் அதிகப்படியாக இன்சுலின் சுரந்தால் என்ன ஆகும்

-oOo-

ஒரு ஊர் உள்ளது
அங்கு ஒரு குளம் உள்ளது

அந்த ஊரில் உள்ள 50 குடும்பங்களுக்கும் போதுமான நீர் அந்த குளத்தில் இருந்து கிடைக்கும்

அந்த ஊருக்கும் ஒரு கோலா கம்பெனி வந்து போர் போட்டு நீர் எடுத்தால் என்ன ஆகும்

குளம் வற்றி விடும்

-oOo-

அதே போல், நாம் மாவுச்சத்து சாப்பிடும் போது

  • நிறைய இன்சுலின் தேவைப்படுகிறது
  • நிறைய இன்சுலின் சுரக்கிறது
  • கொஞ்ச நாட்களில் கணையத்தில் இருக்கும் சுரக்கும் சக்தி குறைந்து விடுகிறது
  • அப்படி குறையும் போது, முதலில் கணையத்தின் சுரக்கும் சக்தியை அதிகரிக்கும் மாத்திரைகள் சாப்பபிடுகிறார்கள்

பிறகு

  • அதுவும் செல்லுபடியாகாமல் வெளியில் இருந்து இன்சுலின் ஊசி போட வேண்டிய நிலை வருகிறது

-oOo-

குளம் வற்றினால், லாரியில் நீர் கொண்டு வர வேண்டுமே, அது போல்

-oOo-

நாம் மாவுச்சத்து சாப்பிடாவிட்டால்
நமக்கு தேவையான இன்சுலின் அளவு குறைவே
எனவே
கணையம் களைப்படையாமல் செயல்படுகிறது

-oOo-

ஒவ்வொரு ஊரின் குளமும் வெவ்வேறாக இருக்கும்

  • சில ஊர் குளங்களில் இருந்து 50 குடும்பங்களுக்கு மட்டுமே நீர் எடுக்க முடியும்
  • சில குளங்களில் இருந்து 100 குடும்பங்களுக்கு கூட எடுக்கலாம்
  • சில குளங்களில் ஊற்று நன்றாக இருந்தால் கோலா கம்பெனிக்கு கூட நீர் எடுக்கலாம்

-oOo-

ஒவ்வொருவருக்கும் கணையத்தின் செயல்பாடு மாறுபடும்

  • சிலர் சிறிது மாவுச்சத்து சாப்பிட்டாலே, அவர்களின் கணையத்தால் ஈடு கொடுக்க முடியாது
  • சிலர் சிறிது மாவுச்சத்து சாப்பிட்டால், அவர்களின் கணையம் சமாளிக்கும், அதிகம் சாப்பிட்டால் மட்டுமே பிரச்சனை
  • சிலர் எவ்வளவு சாப்பிட்டாலும், அவர்களின் கணையம் சுரந்து கொண்டே இருக்கும்

-oOo-

இதில்

  • முதல் வகை தான் நீரிழிவு நோய். சரியாக சொல்லவேண்டுமென்றால் இரண்டாம் வகை நீரிழிவு நோய் (Type 2 DM)
  • இரண்டாவது வகை நிரிழிவிற்கு முன் நிலை. அதாவது Pre Diabetes or Impaired Glucose Tolerance என்கிறோம்
  • மூன்றாவது வகையினர் எவ்வளவு மாவுச்சத்து சாப்பிட்டாலும் அவர்களுக்கு அவ்வளவு எளிதில் நீரிழிவு நோய் வருவதில்லை

-oOo-

நீரிழிவு நோய் நிலைகள்
நீரிழிவு நோய் நிலைகள்

அப்படி என்றால் முதலாம் வகை நீரிழிவு நோய் என்றால் என்ன

  • குளத்தில் நீரை அதிகப்படியாக எடுத்து விட்டால் நீர் வற்றி விடும்
    இது இரண்டாம் வகை நீரிழிவு நோய் Type 2 DM
  • ஒரு போர் நடந்து, நம்நாட்டு வீரர்களும், எதிர் நாட்டு வீரர்களும் குளத்தில் இருந்து சண்டை போட்டால், அதன் பிறகு குளத்தில் நீரை எடுக்க முடியாதல்லவா.  இது முதல் வகை நீரிழிவு நோய் Type 1 DM

அவ்வளவு தான் !

குறைந்த மாவுச்சத்து உணவினை உண்பதற்கு முன் செய்ய வேண்டிய பரிசோதனைகள்

குறைந்த மாவுச்சத்து உணவினை உண்பதற்கு முன் செய்ய வேண்டிய பரிசோதனைகள்
The English Version of this article can be found at Tests to be Done Before Starting Low Carb High Fat Diet
-oOo-
நீங்கள் மாவுச்சத்து குறைவான உணவை (பேலியோ) சாப்பிடலாம்
ஆனால் எவை எல்லாம் சாப்பிடவேண்டும்,எவை எல்லாம் தவிர்க்க வேண்டும் என்று அறிய கீழ்க்கண்ட இரத்தப்பரிசோதனைகள் அவசியம் செய்யப்படவேண்டும்
இவை அனைத்து தைரோக்கேர் ஆரோக்யம் Wellness C என்ற சோதனைகுழுவில் உள்ளன. ரூபாய் 5100 மதிப்புள்ள 79 இரத்த பரிசோதனைகளையும் PRO00FDB என்ற கூப்பனை பயன்படுத்தி ரூபாய் 2000க்கு செய்யலாம்

  • WhatsApp : UDP to 9870666333
  • Mail : udp@thyrocare.com
  • Phone : 02230900000, 02241252525

குறைந்த மாவுச்சத்து உணவினை உண்பதற்கு முன் செய்ய வேண்டிய பரிசோதனைகள்

பரிசோதனைகளை செய்வதில் உங்களுக்கு ஏதாவது பிரச்சனை இருந்தால் உங்கள் விபரங்களை இந்த படிவத்தில் நிரப்பவும். நாங்கள் உங்களுக்கு உதவ தயாராக உள்ளோம்

.

Sr.no Test Code Test Name
CARDIAC RISK MARKERS
1 APB/ APO B / APO A1 RATIO (Apo B/A1)
2 APOA APOLIPOPROTEIN – A1 (APO-A1)
3 APOB APOLIPOPROTEIN – B (APO-B)
4 HOMO HOMOCYSTEINE
5 HSCRP HIGH SENSITIVITY C-REACTIVE PROTEIN (hs-CRP)
6 LPA LIPOPROTEIN (A) [LP(A)]
COMPLETE HEMOGRAM
49 ABAS BASOPHILS – ABSOLUTE COUNT
48 AEOS EOSINOPHILS – ABSOLUTE COUNT
51 ALYM LYMPHOCYTES – ABSOLUTE COUNT
52 AMON MONOCYTES – ABSOLUTE COUNT
50 ANEU NEUTROPHILS – ABSOLUTE COUNT
47 BASO BASOPHILS
46 EOS EOSINOPHILS
43 HB HEMOGLOBIN
44 IG IMMATURE GRANULOCYTES(IG)
45 IG% IMMATURE GRANULOCYTE PERCENTAGE(IG%)
62 LEUC TOTAL LEUCOCYTES COUNT
73 LYMPH LYMPHOCYTE PERCENTAGE
74 MCH MEAN CORPUSCULAR HEMOGLOBIN(MCH)
75 MCHC MEAN CORP.HEMO.CONC(MCHC)
76 MCV MEAN CORPUSCULAR VOLUME(MCV)
77 MONO MONOCYTES
78 MPV MEAN PLATELET VOLUME(MPV)
79 NEUT NEUTROPHILS
66 NRBC NUCLEATED RED BLOOD CELLS
67 NRBC% NUCLEATED RED BLOOD CELLS %
68 PCT PLATELETCRIT(PCT)
69 PCV HEMATOCRIT(PCV)
70 PDW PLATELET DISTRIBUTION WIDTH(PDW)
71 PLCR PLATELET TO LARGE CELL RATIO(PLCR)
72 PLT PLATELET COUNT
63 RBC TOTAL RBC
64 RDCV RED CELL DISTRIBUTION WIDTH (RDW-CV)
65 RDWSD RED CELL DISTRIBUTION WIDTH – SD(RDW-SD)
DIABETES
41 ABG AVERAGE BLOOD GLUCOSE (ABG)
42 HBA HbA1c
IRON DEFICIENCY
20 %TSA % TRANSFERRIN SATURATION
22 IRON IRON
21 TIBC TOTAL IRON BINDING CAPACITY (TIBC)
LIPID
36 CHOL TOTAL CHOLESTEROL
37 HCHO HDL CHOLESTEROL – DIRECT
33 LDL LDL CHOLESTEROL – DIRECT
34 LDL/ LDL / HDL RATIO
35 NHDL NON-HDL CHOLESTEROL
31 TC/H TC/ HDL CHOLESTEROL RATIO
32 TRIG TRIGLYCERIDES
38 VLDL VLDL CHOLESTEROL
LIVER
15 A/GR SERUM ALBUMIN/GLOBULIN RATIO
16 ALKP ALKALINE PHOSPHATASE
17 BILD BILIRUBIN -DIRECT
18 BILI BILIRUBIN (INDIRECT)
19 BILT BILIRUBIN – TOTAL
14 GGT GAMMA GLUTAMYL TRANSFERASE (GGT)
9 PROT PROTEIN – TOTAL
13 SALB ALBUMIN – SERUM
10 SEGB SERUM GLOBULIN
11 SGOT ASPARTATE AMINOTRANSFERASE (SGOT )
12 SGPT ALANINE TRANSAMINASE (SGPT)
PANCREATIC
39 AMYL AMYLASE
40 LASE LIPASE
RENAL
24 B/CR BUN / Sr.CREATININE RATIO
25 BUN BLOOD UREA NITROGEN (BUN)
26 CALC CALCIUM
23 SCRE CREATININE – SERUM
27 URIC URIC ACID
THYROID
29 T3 TOTAL TRIIODOTHYRONINE (T3)
30 T4 TOTAL THYROXINE (T4)
28 TSH THYROID STIMULATING HORMONE (TSH)
TOXIC ELEMENTS
53 BTEAS ARSENIC
54 BTEBA BARIUM
55 BTECD CADMIUM
56 BTECO COBALT
57 BTECR CHROMIUM
58 BTECS CAESIUM
59 BTEHG MERCURY
60 BTEPB LEAD
61 BTESE SELENIUM
VITAMIN
7 VITB VITAMIN B-12
8 VITDC 25-OH VITAMIN D (TOTAL)

ஆண்மைக்குறைவு, ஆண் மலட்டுத்தன்மை சிகிச்சை : பேலியோ

ஆண்மைக்குறைவு, ஆண் மலட்டுத்தன்மை சிகிச்சை : பேலியோ

The English Version of this article can be found at Impotence, Erection Problems, Premature Ejaculations, Sterility : Paleo
-oOo-

  • ஆண்மைக்கான நாளமில்லா சுரப்பி இயக்குநீர் டெஸ்டோஸ்டிரோன்
  • பெண்மைக்கான நாளமில்லா சுரப்பி இயக்குநீர் ஈஸ்டரஜன்

ஆண்மைக்கும், விந்து உற்பத்திக்கும் டெஸ்டொஸ்டிரோன் தேவை. டெஸ்டொஸ்டிரோன் தேவை குறைவாக இருந்தால்

  • ஆண்மைக்குறைவு ஏற்படலாம்.
  • அதே போல் போதிய விந்தணுக்கள் இல்லாமல் அந்த நபருக்கு குழந்தை பேறு ஏற்படாமல் இருக்கலாம்

-oOo-

இரத்தத்தில் டெஸ்டோஸ்டிரோன் குறைவாக இருக்க (Low testosterone in blood) இரு காரணங்கள்

  1. குறைவான உற்பத்தி (decreased synthesis)
  2. அதிகரித்த படிச்சிதைவு (increased degradation)

-oOo-

எனவே டெஸ்டோஸ்டிரோன் குறைவாக இருந்து அதன் மூலம் ஏற்படும் ஆண்மைக்குறைவிற்கும், மலட்டுத்தன்மைக்கும் மூன்று விதமாக வைத்தியம் பார்க்கலாம்

  1. உற்பத்தியை அதிகரிக்கலாம்
  2. படிச்சிதைவை குறைக்கலாம்
  3. வெளியில் இருந்து ஊசி மூலம் டெஸ்டோஸ்டிரோனை செலுத்தலாம்

-oOo-

டெஸ்டோஸ்டிரோன் படிச்சிதைவு எப்படி நடக்கிறது ?

உடம்பில் உள்ள கொழுப்பு செல்களில் (adipose tissue) அரோமடைஸ் (aromatase) என்ற வேதிப்பொருள் உள்ளது. இது டெஸ்டோஸ்டிரோனை ஈஸ்ட்ரஜனாக மாற்றுகிறது

ஆக

ஒருவரின் உடம்பில் கொழுப்பு செல்கள் நிறைய இருந்தால் அவரது இரத்ததில் உள்ள டெஸ்டோஸ்டிரோன் அதிக அளவில் ஈஸ்டரஜனாக மாற்றப்படும்

-oOo-

ஈஸ்ட்ரஜனின் பணி என்ன ?
கொழுப்பை அதிகரிப்பது (இன்சுலினும், ஈஸ்ட்ரஜனும் உடம்பில் கொழுப்பு செல்களை அதிகரிக்கும் இயக்குநீர்கள்)

அதாவது ஈஸ்ட்ரஜன் உடலில் அதிகம் கொழுப்பை சேகரிக்கிறது

இந்த அதிகப்படியான கொழுப்பு, இரத்தத்தில் இருக்கும் டெஸ்டோஸ்டிரோனை அதிக அளவில் ஈஸ்டரஜனாக மாற்றுக்கிறது

அப்படி மாற்றப்பட்ட ஈஸ்ட்ரஜன் உடலில் மேலும் அதிகம் கொழுப்பை சேகரிக்கிறது

ஆக

அதிகம் ஈஸ்ட்ரஜன் –> அதிகம் கொழுப்பு –> மேலும் அதிகம் ஈஸ்ட்ரஜன் (குறைவான டெஸ்டோஸ்டிரோன் ) –> மேலும் அதிகம் கொழுப்பு –> அதைவிட அதிகம் ஈஸ்ட்ரஜன் (இரத்தத்தில் டெஸ்டோஸ்டிரோன் மேலும் குறைவு) –> என்று ஒரு நேர்மறை பின்னூட்டம் (positive feedback) நடந்து கொண்டே செல்கிறது
Testosterone Decreases in High Carbohydrate Diet
ஆக

  1. கொழுப்பு அதிகரிக்கிறது
  2. டெஸ்டோஸ்டிரோன் குறைகிறது
  3. ஈஸ்ட்ரஜன் அதிகரிக்கிறது

-oOo-

டெஸ்டோஸ்டிரோன் குறைவாதால் ஏற்படும் விளைவுகளை பார்த்து (ஆண்மைக்குறைவு அல்லது மலட்டுத்தன்மை அல்லது இவை இரண்டும்) நோயாளி பயந்து மருத்துவரை பார்த்து டெஸ்டோஸ்டிரோன் ஊசியை போட்டுக்கொள்வார் . . . . அதை தொடர்ந்தும் போட்டுக்கொண்டே இருப்பார் . . .

ஆனால் உள்ளே செல்லும் டெஸ்டோஸ்டிரோன் எல்லாம் சிறிது நேரத்தில் உடலில் இருக்கும் அதிகப்படியான கொழுப்பினால் ஈஸ்ட்ரஜனாக மாறிவிடும்

எனவே ஊசியின் அளவு அதிகரிக்க வேண்டி வரும்

-oOo-

இதை வேறு விதமாக எப்படி எதிர்கொள்ளலாம்

நாம் முதலில் பார்த்தது போல் (1. உற்பத்தியை அதிகரிக்கலாம் , 2. படிச்சிதைவை குறைக்கலாம் 3. வெளியில் இருந்து ஊசி மூலம் டெஸ்டோஸ்டிரோனை செலுத்தலாம்)

படிச்சிதைவை குறைக்கலாம்

-oOo-

படிச்சிதைவை எப்படி குறைக்க முடியும் ?
உடம்பில் உள்ள கொழுப்பை குறைத்தால் படிச்சிதைவு குறையும்

-oOo-

உடம்பில் உள்ள கொழுப்பை எப்படி குறைப்பது ?
உடலின் இன்சுலின் சுரப்பு குறைந்தால் உடலின் கொழுப்பு குறையும்

-oOo-

உடலின் இன்சுலின் சுரப்பை எப்படி குறைப்பது
சாப்பிடும் உணவில் மாவுச்சத்து (carbohydrate) குறைவு என்றால் உடலின் இன்சுலின் சுரப்பு குறையும்

-oOo-

மாவுச்சத்தினை எப்படி குறைத்து சாப்பிடுவது ?
பேலியோ சாப்பிடுங்கள்

-oOo-

அதாவது

உடலிலுள்ள டெஸ்டோஸ்டிரோன் அளவை அதிகரிக்க பேலியோ டயட் அல்லது ஆதிமனிதன் உணவு முறை மிகவும் சிறந்தது

-oOo-

இப்பொழுது உங்களுக்கு சில சந்தேகங்கள் எழலாம்

  • ஆண்மைக்குறைவும் (Impotence) மலட்டுத்தன்மையும் (Sterility) ஒன்றா ???
  • இல்லை என்றால் என்ன வித்தியாசம் ??
  • கர்ப்பத்தடை அறுவை சிகிச்சை செய்து கொண்டால் ஆண்மை போய் விடுமா ??

போன்ற கேள்விகளுக்கு ஒரு சிறிய விளக்கம்

-oOo-

ஆண்மை என்று குறிக்கப்படுவது ஒருவர் தாம்பத்திய உறவில் ஈடுபட முடிவதை வைத்து. இதை ஆங்கிலத்தில் பொட்டன்சி (Potency) என்று கூறுவார்கள். எனவே ஒருவரால் தாம்பத்திய உறவில் ஈடுபட முடிகிறதா இல்லையா என்பதை வைத்து, அவர்

  • ஆண்மை உள்ளவரா – பொட்டண்ட் Potent
  • ஆண்மையற்றவரா – இம்பொட்டண்ட் Impotent

என்று கூறலாம்

-oOo-

அதே போல் ஒருவரால் தந்தையாக முடியுமா இல்லையா என்பதை வைத்து

  • பெர்டிலிட்டி – Fertilily
  • மலட்டுத்தன்மை ஸ்டெரிலிட்டி – Sterilily

என்று பிரிக்கலாம்

-oOo-

இது இரண்டும் தனி தனி அம்சங்கள்

உதாரணமாக
கருப்பு, வெள்ளை என்று இரு நிறங்களையும்
பேனா, பென்சில் என்று இரு பொருட்களையும் வைத்துக்கொண்டால்

  • கருப்பு பேனா
  • வெள்ளை பேனா
  • கருப்பு பென்சில்
  • வெள்ளை பென்சில்

என்று நான்கு சாத்தியக்கூறுகள் உள்ளதை போல்

ஆண்மை, ஆண்மையின்மை, மலடு, மலடில்லை என்று பார்த்தால்

  • ஆண்மையுள்ளவர், தந்தையாகலாம். Potent and Fertile
  • ஆண்மை குறைவு, தந்தையாகலாம். Impotent and Fertile
  • ஆண்மையுள்ளவர், தந்தையாகமுடியாது. Potent, but sterile
  • ஆண்மை குறைவு, தந்தையாகமுடியாது. Impotent, Sterile

என்று நான்கு பிரிவுகள் வரும்

-oOo-

ஆண்மையுள்ளவர், தந்தையாகலாம்

  • இதில் தான் பெரும்பாண்மையானவர்கள் உள்ளார்கள் என்பதால் இது குறித்து பெரிதாக விளக்கம் தேவை யில்லை என்று நினைக்கிறேன்

ஆண்மை குறைவு, தந்தையாகலாம்

  • இதிலும் பலர் உள்ளனர். இந்த ஆண்மைக்குறைவு என்பது பெரிய தலைப்பு என்பதால் (வாசகர்களின் ஆதரவு இருந்தால்) சில இடுகைகள் எழுதலாம் என்று நினைக்கிறேன்.
  • இந்த பகுப்பில் இருப்பவர்களாம் தாம்பத்திய உறவில் ஈட்பட முடியாமை, சிரமம் ஆகியவை இருக்கும்
  • இதற்கு தகுந்த சிகிச்சை எடுத்தால் போதும்
  • இதில் பெரும்பாண்மையான நோய்களுக்கு பூரண குணமடையும் சிகிச்சை உள்ளது.

ஆண்மையுள்ளவர், தந்தையாகமுடியாது

  • இது தான் மிக முக்கியமான் விஷயம். இப்படியும் சிலர் இருக்கிறார்கள் என்ற விபரமே நாட்டில் பலருக்கும் தெரியாது.
  • இவர்கள் தங்களிடம் குறை உள்ளது என்று தெரியாமல் இரண்டு, மூன்று என்று திருமணம் செய்து கொண்டே போவர்கள்
  • இந்த நிலைக்கு பல காரணங்கள்
  • இதில் சில நோய்களுக்கு சிகிச்சை உண்டு. சில நோயக்ளுக்கு கிடையாது

முக்கிய குறிப்பு : கர்ப்பத்தடை செய்து கொள்பவர்கள் இந்த வகையில் சேருவார்கள். கர்ப்பத்தடை அறுவை சிகிச்சை செய்து கொண்டால் ஆண்மை குறையாது

ஆண்மை குறைவு, தந்தையாகமுடியாது

இது பல காரணங்களினால் வரும் .
அனைத்தும் மருத்துவ பெயர்கள் என்பதால் உங்களை குழப்ப விரும்பவில்லை

உடல் பருமன் : காரணங்கள் மற்றும் தீர்வுகள்

உடல் பருமன் : காரணங்கள் மற்றும் தீர்வுகள்.

The English Version of this article can be found at Causes and Natural Treatment of Obesity and Overweight
-oOo-
உடல் பருமன் என்பது நான்கு காரணங்களினால் வரலாம்

1. பிறவியலமைந்த இன்சுலின் எதிர்ப்பு (Genetic Insulin Resistance)
2. வேலை செய்யாமல் சோபாவில் படுத்துக்கொண்டு தொலைக்காட்சி அல்லது முகநூல் பார்ப்பது (Sedantary Life Style)
3. கொழுப்பு தொடர்பான நோய்கள் (Dyslipidaemias)
4. அதிக கலோரி உண்பது : இதை “போசனபிரியம்” என்று தூய தமிழிலும், “கண்டதையும் சாப்பிடுவது” என்று செல்லமாகவும் அழைக்கலாம்

-oOo-

இதில்

உங்கள் உடல் பருமன் வேலை செய்யாமல் சோபாவில் படுத்துக்கொண்டு தொலைக்காட்சி அல்லது முகநூல் பார்ப்பதால் வந்தது என்றால் நீங்கள் தினமும் நடைபயிற்சி, ஓடுவது, பளுதூக்குவது என்று வேலை செய்வதன் மூலம் எடை குறையும்
உங்கள் உடல் பருமன் அதிக கலோரி உண்பதால் வந்தது என்றால் நீங்கள் அரை வயிறு சாப்பிட்டல் எடை குறையும்
உங்கள் உடல் பருமன் கொழுப்பு தொடர்பான நோய்கள் மூலம் வந்தது என்றால் அதற்குரிய சிசிச்சை எடுக்க வேண்டும்

ஆனால்

உங்கள் உடல் பருமன் பிறவியலமைந்த இன்சுலின் எதிர்ப்பு மூலம் வந்தது என்றால், அதற்கு ஒரே வைத்தியம் மாவுச்சத்தை குறைத்து சாப்பிடுவது தான்.. நீங்கள் ஓடு எந்திரத்தில் (டிரெட்மில்லில்) எவ்வளவு ஓடினாலும், எவ்வளவு குறைவாக சாப்பிட்டாலும் பலன் இருக்காது . . . .

-oOo-

Causes of Obesity and Solutions

-oOo-

ஒரு அறிவாளி சாலையில் எதையோ தேடிக்கொண்டிருந்தாராம்
அந்த வழியே வந்த ஒருவர் “என்ன தேடுகிறீர்கள்” என்று கேட்டாராம்
அதற்கு நமது அறிவாளி “நூறு ரூபாய் விழுந்து விட்டது, தேடுகிறேன்” என்றாராம்
வழிப்போக்கர் “எங்கே விழுந்தது” என்றாராம்
நமது அறிவாளி “வீட்டில் விழுந்தது” என்றாராம்
வழிப்போக்கர் “வீட்டில் கீழே விழுந்த நூறு ரூபாயை ஏன் சாலையில் தேடுகிறீர்கள்” என்றாராம்
அறிவாளி சொன்னாராம் “இங்கு தானே வெளிச்சம் உள்ளது” என்று

-oOo-

பிறவியலமைந்த இன்சுலின் எதிர்ப்பினால் ஏற்படும் உடல் பருமன் மற்றும் அதிக உடல் எடையை
உடற்பயிற்சி மூலமோ, அல்லது கலோரிகள் குறைப்பது மூலமோ மட்டும் சரி செய்யாலாம் என்று
நினைக்கும் அறிவாளிகளுக்கு பணிந்து சமர்ப்பிக்கப்படுகிறது

மாவு சத்து, கொழுப்பு சத்து இரண்டையுமே குறைத்து சாப்பிட்டால் என்ன ?

மாவு சத்து, கொழுப்பு சத்து இரண்டையுமே குறைத்து சாப்பிட்டால் என்ன ?

The English Version of this article can be found at Why More Fat is Needed in Paleo Diet ? Why you should not Reduce Fat Intake ?

  • மாவு சத்து, கொழுப்பு சத்து இரண்டையுமே குறைத்து சாப்பிட்டால் என்ன ?
  • ஏன் மாவச்சத்தை மட்டுமே குறைக்க வேண்டும் ?
  • ஏன் கொழுப்பை குறைக்க நீங்கள் கூறுவதில்லை ?

ஆகிய கேள்விகளை அடிக்கடி கேட்கிறோம் . . .

இதற்கான விடை எளிது

-oOo-

உடல் இயங்குவதற்கு சக்தி தேவை

இந்த சக்தியானது மாவுச்சத்திலிருந்தும் பெறப்படலாம், கொழுப்பு சத்திலிருந்தும் பெறப்படலாம்
இந்த இரண்டில் ஏதாவது ஒன்றில் இருந்து சக்தி பெறப்படவேண்டும் இவை இரண்டுமே உணவில் இல்லை என்றால், உடலில் இருக்கும் புரதங்கள் உடைக்கப்பட்டு அதிலிருந்து சக்தி பெறப்படும். அந்த நிலைக்கு பெயர் பசி, பட்டினி . . . ஆங்கிலத்தில் Starvation . . .

-oOo-

உடல் இயங்குவதற்கு தேவையான சக்தியானது மாவுச்சத்திலிருந்தும் பெறப்படலாம், கொழுப்பு சத்திலிருந்தும் பெறப்படலாம் . . ஏன் மாவுச்சத்திலிருந்து பெறாமல் கொழுப்பில் இருந்து பெற வேண்டும் ?

இதற்கான விடையும் எளிது தான் . .

நாம் உணவும் உணவில் இருக்கும் சக்தியானது,

  1. செலவழிக்கப்படுகிறது
  2. கொழுப்பாக சேமிக்கப்படுகிறது

இதில் சில விசித்திரங்கள் இயற்கையின் படைப்பில் உள்ளன
நாம் உண்ணும் உணவும் இருக்கும் மாவுச்சத்தும் சரி, கொழுப்பு சத்தும் சரி, அது கொழுப்பாகவே சேமிக்கப்படுகிறது.
ஆனால்

நமது உணவில் இருக்கும் சக்தியில் எத்தனை சதவீதம் சேமிக்கப்படவேண்டும், எத்தனை சதவீதம் செலவழிக்கப்படவேண்டும் என்று தீர்மாணிப்பது எது தெரியுமா ?
நமது உணவில் இருக்கும் மாவுச்சத்து தான் இதை தீர்மாணிக்கிறது

அதாவது
நமது உடம்பில் எந்த அளவு கொழுப்பு இருக்க வேண்டும் என்பதை நமது உணவில் இருக்கும் மாவுச்சத்து தீர்மாணிக்கிறது. இது தான் இயற்கையின் நியதி. 

மீண்டும் கூறுகிறேன் . . உங்கள் வயிற்றில், உங்கள் இரத்தக்குழாயினுள் எவ்வளவு கொழுப்பு இருக்க வேண்டும் என்பதை தீர்மாணிப்பது நிங்கள் சாப்பிடும் உணவில் உள்ள கொழுப்பு அல்ல, நீங்கள் சாப்பிடும் உணவில் உள்ள மாவுச்சத்தை இதை தீர்மாணிக்கிறது 

எனவே

  • நீங்கள் வெறும் மாவுச்சத்து மட்டும் உண்டு, கொழுப்பு குறைவாக உண்டாலும், உங்கள் உணவின் பெரும்பகுதி சேமிக்கப்படும். அதுவும் கொழுப்பாகவே சேமிக்கப்படும்
  • நீங்கள் மாவுச்சத்தும் உண்டு, கொழுப்பும் உண்டாலும், உங்கள் உணவின் பெரும்பகுதி சேமிக்கப்படும். அதுவும் கொழுப்பாகவே சேமிக்கப்படும்
  • நீங்கள் மாவுச்சத்து குறைவாக உண்டு, கொழுப்பு அதிகம் உண்டால், வெகு குறைவாகவே சேமிக்கப்படும் (இது தான் பேலியோ உணவு முறையில் அல்லது அனைத்து குறைமாவு நிறைகொழுப்பு உணவு முறைகளிலும் நடக்கிறது)
  • நீங்கள் மாவுச்சத்து குறைவாக உண்டு, கொழுப்பும் குறைவாக உண்டால்,  உடல் இயக்கத்திற்கு தேவையான சக்தியில்லாமல் உறுப்புகள் செயலிழக்கின்றன. இது உயிருக்கு ஆபத்தான நிலை. பசி, பட்டினி, பஞ்சத்தில் மரணம் ஏற்படுவது இப்படித்தான்இதனால் தான் மாவுச்சத்தினை குறைத்து கொழுப்பு சத்தினை அதிகம் உண்ண கூறுகிறோம்

-oOo-

பேலியோவிற்கு பசிக்கும் என்ன வித்தியாசம்
பேலியோவிற்கு பசிக்கும் என்ன வித்தியாசம்

-oOo-

-oOo-

பேலியோ / ஆதி மனிதன் உணவு குறித்த நவீன விஞ்ஞான பார்வை